A roh tơdah, Kăn xiâm hnê ngăn tơnêi têa tối nhên Việt Nam ƀă Ấn Độ ai tơrŭm nhŏng o tiô khôi vâi krâ nah krá tơniăn châ Khu râ kăn pơkuâ ƀă Kuăn pơlê péa tơnêi têa mơ’no hên ivá tơbêng hên chât hơnăm hiăng hluâ, ƀă nôkố chiâng Khu tơrŭm cheăng ton xŏn tâi tâng ai hnoăng ƀă tíu cheăng ki kal tung troăng hơlâ tơpui kâ ƀă kong têa ê dêi pó.
Kăn teăng mâ mơnhên kô pơtối mơ-eăm mơdêk tơrŭm cheăng péa tơnêi têa, a ngiâ cho po ăm mâu roh lăm pôu ƀă trâm mâ khu râ kăn xiâm tung la ngiâ, pro trâu hơngế tâ nếo tơrŭm cheăng lêng, cheăng kâ – tê mơdró, khoa hok – kŏng ngê̆, khôi túa lĕm tro – ôm hyô ƀă po rơdâ troh mâu kơvâ nếo. Tơpui tơno ‘na mâu tơdroăng kơpong ƀă lâp plâi tơnêi, Kăn xiâm hnê ngăn tơnêi têa pơkâ thế péa tơnêi têa pơtối tơrŭm krá tơniăn a mâu hneăng hôp tơpui tơno hên troăng, veăng gum tung tơdroăng pro krá tơniăn hơniâp lĕm, tơniăn ƀă mơnhông a kơpong Châu Á – Thái Bình Dương ƀă Ấn Độ Dương.
Viết bình luận