Po sap hâi lơ 1 troh lơ 30/6, Khế pêi pro tơdroăng cheăng xúa vâi hdrêng hơnăm kố vâ pêi tro tiô pơkâ dêi Luât vâi hdrêng ‘na Khế pêi pro xua vâi hdrêng rêm hơnăm mơdêk tơdroăng mơhnhôk tâi tâng kuăn pơlê rak ngăn, hnê hriâm ƀă kring vế vâi hdrêng; hnê tơbleăng, mơhnhôk kơ koan, tơkŭm po, mâu hngêi trung hnê hriâm, rơpŏng hngêi, mơngế pêi pro tơdroăng tŏng kum, tơdroăng pơkâ, tơdroăng tơkêa bro, mơjiâng tơmeăm khoăng ƀă mơhnhôk tăng liăn kum vâi hdrêng; hlối tơbleăng tơdroăng pơkâ pêi, tơdroăng vâ pêi tiô kơxô̆ 28, hâi lơ 25/12/2023 dêi Khu xiâm Kal kí ‘na mơdêk tơdroăng cheăng rak ngăn, hnê hriâm ƀă kring vế vâi hdrêng ai tiô tơdroăng púi vâ mơnhông tơnêi têa hơniâp lĕm.

Tơdroăng hnê tối ƀă tơbleăng tơbleăng pêi tung Khế pêi pro xua vâi hdrêng hơnăm kố vâ tơbleăng troh rêm ngế kuăn pơlê cho; Tơdroăng pêi pro ai pơxúa, pêi ahdrối ‘na tơdroăng ăm vâi hdrêng; tăng liăn kum vâi hdrêng tiô pơkâ mơnhông tơnêi têa hơniâp lĕm; tơniăn hnoăng cheăng xiâm dêi liăn ngân tơnêi têa vâ pêi tơdroăng pơkâ tŏng kum ăm vâi hdrêng. Tơniăn hnoăng rêh ối vâi hdrêng thế cho xiâm dêi tơdroăng pơkâ, troăng rơhlâ mơnhông tơnêi têa; Tâi tâng kuăn pơlê rak ngăn, hnê hriâm ƀă kring vế vâi hdrêng.