Xông tơpui tơno a roh hôp, pôa Phạm Minh Chính, Ngế pro xiâm hnê ngăn tơnêi têa tối nhên: Ing kố troh Hneăng hôp Tơ’noăng pâ nhuô̆m tơnêi têa roh má XI u ối 1 khế, kơxô̆ tơdroăng cheăng hên, pơkâ hên, pói vâ mâu ngế pêi cheăng Hô̆i đong Tơ’noăng Kheăn kơdeăn mơdoh chôu phut, ivá, tuăn ngôa rơkê pêi pro tơdroăng cheăng xing xoăng hnoăng cheăng.

Tối rơdêi tơdroăng rah xo inâi ngế khên tơnôu pêi cheăng, ngế khên tơnôu khu lêng kuăn pơlê ƀă mâu khu pú hên, ngế krê châ tơƀrê tung pêi cheăng, ki má môi mơtiah: tung tơdroăng hbrâ ví pơreăng kân COVID-19; gâk kring tơnêi têa; mâu tơdroăng tơ’noăng; mơ’no liăn cheăng mơjiâng hngêi trăng, troăng klông ton xŏn; têa tah hngêi pơtân, hngêi xi kơchoh; gum rêh ối pơlê pơla; tơ’noăng  ivá, khôi túa lĕm tro; hbrâ rơnêu kế tơmeăm khoăng xua mơhot têa kân lân lu; khoa hok kŏng ngê̆; pơhlêh nếo tơmiât pêi rơkê, pơhlêh xúa kŏng ngê̆.

Ngế pro xiâm hnê ngăn tơnêi têa pơchân ôh tá lôi hiêt, ‘mot mâu ngế ki kơnâ kơnía ƀă mơnhên ‘’pôk pơ-eăng mâu ngế ki kơhnâ rơkê cho pôk pơ-eăng ki kơnâ dêi hdroâng mơngế.