Tơdroăng kêi đeăng troăng kơxái on tơhrik 500 kv măch 3 Phố Núi – Quảng Trạch tung xúa ai kơnâ kal khât. Ngế pro xiâm hnê ngăn Chin phuh hnê mơhno mâu Khu xiâm, kơvâ cheăng, kong pơlê, tíu cheăng, kăn ƀô̆, kih sư, kŏng nhân, mơngế pêi cheăng mơ-eăm hên tâ mê nếo, khŏm mơ-eăm hên tâ mê nếo, mơdêk pro tơdroăng tơkêa bro tơniăn tiô tơdroăng pro, mơdêk ki dâi lĕm, tơniăn lĕm, mơgrúa kong prâi; tơniăn ivá pêi cheăng ƀă hnoăng pơxúa dêi mâu mâu ngế ki tơdjâk; tơniăn hnoăng, ki pơxúa tro luât, tơxâng dêi kuăn pơlê tíu troăng kơxái prôk hluâ.

Klêi mê, pơcháu pôa Trần Hồng Hà, Ngế pro xiâm phŏ hnê ngăn Chin phuh hnê mơhno ƀă pơcháu rêm tơdroăng cheăng i nhên ăm rêm khu xiâm, kơvâ cheăng, kong pơlê, pôa Phạm Minh Chính, Ngế pro xiâm hnê ngăn Chin phuh pơkâ vêh pro troăng kơxái tro tơdroăng pơkâ ƀă tơkŭm séa ngăn, pơkuâ, mơhnhôk tiô rêm hâi, rêm măng tĭng ‘na tơdroăng pro, tơniăn mơ’no on tơhrik, djâ ăm xúa troăng kơxái on tơhrik 500kv măch 3 Phố Núi – Quảng Trạch hdrối hâi lơ 30/6.