Kơxê lơ 1/12, pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp Đảng ủi Chin phuh mơgêi cheăng hbrâ mơdât kâ kơluâ, kâ kơhveăm, pro mơhrê liăn ngân hneăng hơnăm Hneăng hôp 13. Mâu ngế ki veăng tơpui a Rôh hôp tối nhên tơdroăng ki pêi pro klêi troăng hơlâ tơdâng tơ’mô, tơƀrê; hên rôh pro xôi kâ kơluâ liăn ngân ki ó hiăng châ hlo, séa ngăn, pơxâu phâk, tơdrăng, kơtăng.

Tơpui hnê mơhno, Ngế pro xiâm hnê ngăn tơnêi têa tơmâng xo mâu tơdroăng ki tơpui tối tŭm têk la tối tiah kố, xuân ối ai môi tiah mâu ngế kăn pơkuâ, ngế ki ối a ko tá hâi mơhno tŭm hnoăng cheăng pôu râng; xuân môi tiah hnoăng cheăng séa ngăn, vâ châ hlo tung tíu pêi cheăng ối ai tơdroăng kâ kơluâ. Ngế pro xiâm hnê ngăn tơnêi têa pơkâ thế Đảng ủi Chin phuh pơtối mơnhên tơdroăng ki hbrâ mơdât kâ kơluâ cho hnoăng cheăng ki kal, tro ƀă mơjiâng, ‘mâi rơnêu cheăng Đảng; mơdêk rơdêi túa ki pơhlêh chêh pro mơ-éa, mơdêk ki rơkê tung mâu kăn ƀô̆, kong chưk, viên chưk, tơdrăng, ai tŭm ivá pơkuâ châ tiô tơdroăng púi vâ mơnhông.