A rôh hriâm tâp, tơdroăng ki pơtih cho kơpong cheăm Ea Ktur, Ea Bhôk, Ea Ning ai khía jâ kơdo ƀă kong mê kân hlối ai tơro, mâu xiâm loăng tơđôu kơtong a troăng kơxái pro tơ’nhiê, tơđôu trăng on tơhrik, chiâng tơpâ on tơhrik tung lâp kơpong. Rĕng ai mâ a tíu ki mê, mơnhên xiâm kối ai tơdroăng xâu xía, mâu khu ki pêi dêi hnoăng cheăng hiăng tơrŭm ƀă Kŏng ti rơtế môi tuăn ƀă túa pơkâ ‘mâi rơnêu, pơtroh mâu ngế cheăng, mâu rơxế, kế tơmeăm vâ teăm tŏng kum.

Klêi kơ’nâi va chê 3 chôu, mâu tíu pêi cheăng hiăng pêi klêi tơdroăng kii pơhlêh mâu kơxái, trăng on tơhrik ki tơ’nhiê, ‘mâi krâ ko hmôú rơbông a kối trăng on ƀă pơkâ tíu kơxái mơ’no, uâ mâu xiâm loăng ki tro kơtong, trâ văng nhâ, loăng pro bâ phuâng lĕm a kĭng trăng kơxái on tơhrik.

Ing tơdroăng ki hriâm tâp kố, Kŏng ti on tơhrik Dak Lak vâ mơdêk ivá hbrâ ví ƀă mâu tơdroăng ki xâu xía, ‘mâi rơnêu ‘no on tơhrik rĕng má môi klêi kơ’nâi ai kong mêi khía mơhot têa kân lân lu troh.