Pôa Bùi Thanh Sơn tối, Lếo cho kong têa ki ai hnoăng cheăng pêi ƀă ai rơkong tơpui rế châ nhoăm, ai hnoăng veăng ‘no mơnhông tơniăn ƀă krá ton dêi kơpong pakĭng mê mơdêk tơrŭm cheăng pơla ASEAN ƀă mâu khu tơrŭm cheăng, xua vâ hơniâp lĕm tơniăn ƀă kro mơdrŏng dêi kơpong ƀă lâp plâi tơnêi. Tối nhên, Việt Nam nhoăm,  pêi ahdrối tơrŭm cheăng pơla Việt Nam - Lếo, Ngế pro xiâm phŏ hnê ngăn tơnêi têa khê̆n kơdeăn tơrŭm cheăng  ‘na on tơhrik  ƀă klôh rơƀu pơla Việt Nam - Lếo  tung mâu hơnăm hdrối nah hiăng pêi châ tơƀrê, mâu tơdroăng tơrŭm cheăng đi đo mơnhông tơƀrê.

Pơkâ thế péa pâ kal pơtối tơpui tơno trâu a rêm râ vâ on tơhrik ƀă klôh rơbu chiâng tơdroăng cheăng ki rơdêi tung tơrŭm pơla péa tơnêi têa, pôa Phosay Sayasone, Ngế xiâm ngăn on tơhrik loi khât mâu tơdroăng cheăng tung kơvâ mê kô rế châ tơƀrê tâ tung lối tơdế hneăng la ngiâ.