Tung mâu khế apoăng hơnăm, tơdroăng cheăng kâ, rêh ối pơlê pơla dêi Cao Bằng pơtối mơdêk. Mâu kơvâ cheăng ‘na túa lĕm tro, khăm pơlât, hnê hriâm, tăng cheăng pêi, tŏng kum rêh ối pơlê pơla ƀă mâu kơvâ cheăng ki ê pơtối châ tơmâng ngăn, mơjiâng; tơdroăng kal kí – rêh ối pơlê pơla tơniăn; tơdroăng gâk kring cheăng lêng, tơniăn tung pơlê pơla châ rak vế tơniăn, tơrŭm tơpui kâ dêi kong pơlê pơtối châ po rơdâ.

Pôa Hầu A Lềnh, Kăn pơkuâ Vi ƀan hdroâng kuăn ngo pơkâ thế kong pơlê Cao Bằng tơbleăng tŭm mâu tơdroăng pơkâ dêi Chin phuh. Tung mê, tơkŭm tŏng kum xơpá ăm khu mơdró kâ, mơdêk ivá mơ-eăm xêh, tơdroăng ki ai hlâu pơxúa mơnhông cheăng kâ rêh ối pơlê pơla dêi kong pơlê. Rơtế amê, kong pơlê kal rak vế hnoăng cheăng tŏng kum rêh ối pơlê pơla, malối cho mâu cheăm kơpong hdroâng kuăn ngo châ xúa troăng hơlâ tŏng kum, vâ pro kơdroh kơtăn pơla mâu kuăn pơlê.