Pôa Lê Minh Khái, Ngế pro xiâm hnê ngăn phŏ hnê ngăn tơnêi têa tơmâng xo mâu tơdroăng cheăng ‘no liăn cheăng tơƀrê dêi Grup pơkuâ tung mâu kơvâ cheăng kơmăi kơmok, mơjiâng bro kế tơmeăm, tê mơdró, kong ngê̆ thong tin ƀă hên ki ê, xuân môi tiah mâu tơdroăng cheăng pôu râng dêi hnoăng pơlê pơla dêi Grup pơkuâ, ing mê, veăng kum tung mơnhông mơdêk cheăng kâ rêh ối pơlê pơla dêi Vệt Nam.

Ing hơnăm 2007 nah, Grup pơkuâ Hyosung hiăng ‘no lối 4 rơtal dollars a Việt Nam, ƀă mâu kơvâ cheăng xiâm môi tiah: Kơmăi kơmok bro tơmeăm, kơmăi kơmok pơchoh hmân ếo, kơmăi kơmok hŏa hok, on tơhrik kơmăi kơmok. Pôa Lê Minh Khái, Ngế pro xiâm phŏ hnê ngăn tơnêi têa rơhêng vâ Grup pơkuâ tí tăng ‘nâi nhên tâ, pơtối ‘no liăn tung mâu kơvâ ki Grup kố ai hên ki pơxúa; tối nhên, Chin phuh Việt Nam đi đo tơmâng ngăn, nhuô̆m khât tơdroăng ki hơ’lêh ‘no liăn cheăng, pro tơ’lêi ăm Grup pơkuâ  ‘no liăn tê mơdró tơƀrê ƀă mơnhông krá tơniăn.