A roh tơdah, pôa Lê Minh Khái, Ngế pro xiâm phŏ hnê ngăn tơnêi têa mơnhên, Đảng, Tơnêi têa ƀă kuăn pơlê Việt Nam đi đo nhuô̆m ƀă kơjo má môi ăm tơdroăng rak tơniăn ƀă thăm tơrŭm cheăng nhŏng o, tuăn pâ rŭm môi tuăn ki má môi ƀă tơrŭm tâi tâng pơla péa tơnêi têa Việt Nam - Lếo. Pôa Lê Minh Khái pói vâ péa pâ pơtối tơrŭm cheăng  pơla péa tơnêi têa Việt Nam - Lếo.

Pôa Lê Minh Khái pói vâ péa pâ pơtối tơrŭm cheăng pêi pro mâu tơdroăng môi tuăn tơrŭm cheăng khu râ kăn xiâm dêi Vi ƀan Chin phuh Việt Nam – Lếo, xuân môi tiah mâu tơbleăng khu râ kăn xiâm, môi tuăn pơla péa Khu xiâm, veăng kum mơnhông cheăng kâ, rêh ối pơlê pơla péa tơnêi têa; tối rơdêi, Chin phuh Việt Nam kô pơtối tŏng kum, pro tơ’lêi hlâu vâ péa kơvâ liăn ngân tơrŭm krá tơniăn, pêi pro châ tơƀrê mâu hnoăng cheăng châ pơcháu.