A roh trâm mâ tơpui tơno, péa pâ tối phiu ro hdrối mâu troăng mơnhông ‘na tơmeăm khoăng dêi tơrŭm cheăng Việt Nam – Nhuk, ƀă tơdroăng mơnhông mơdêk cho tơdroăng péa tơnêi têa mơdêk tơrŭm cheăng to Khu tơrŭm cheăng ton xŏn a khế 11/2023 ƀă tơkŭm po lối 500 tơdroăng leh tơbâ 50 hơnăm mơjiâng tơrŭm tơpui kâ.

Ngế pro xiâm phŏ hnê ngăn tơnêi têa pơkâ thế Kuô̆k hô̆i Nhuk môi tuăn péa tơnêi têa thăm tơrŭm mơngế pêi cheăng, tơrŭm tung pêi cheăng; ai mâu troăng hơlâ tŏng kum pơlê pơla mơngế Việt Nam dế rêh ối, hriâm tâp ƀă pêi cheăng a kong têa Nhuk. Kăn xiâm hnê ngăn Kuô̆k hô̆i râ má péa Nukara Fukushirotối tơbleăng Chin phuh Nhuk kô ai troăng hơlâ mơdêk pro tơ’lêi hlâu rêh ƀă pêi cheăng ăm mơngế pêi cheăng Việt Nam a kong têa Nhuk tung pơla liăn yên chu rơpâ yă; pói vâ Kuô̆k hô̆i péa tơnêi têa tơrŭm cheăng tung mâu tơdroăng lâp plâi tơnêi péa pâ rơtế rơhêng vâ ‘nâi plĕng.