Tơdroăng ngăn tơ’noăng sap hâi lơ 26, 27 ƀă lơ 28/6, tơdroăng châm ƀai tơ’noăng pêi pro tiô pơkâ tơdjuôm sap hâi lơ 29/6 troh hâi lơ 14/7, tơbleăng điêm tơ’noăng a 8 chôu hâi lơ 17/7 a Khu xiâm ngăn hnê hriâm ƀă hnê mơjiâng tuăn ngôa rơkê a 63 to kong pơlê, pơlê kong kơdrâm.

Tâi tâng kơxô̆ hok tro chêh inâi veăng tơ’noăng ai lối 12 rơtuh 71 rơpâu ngế, tâk lối 45 rơpâu ngế hok tro tâng vâ pơchông ƀă hơnăm nah. Ƀă kơxô̆ hên lối 1 rơtuh 72 rơpâu ngế tung lâp 63 to kong pơlê, pơlê kong kân, kô ai dâng 200 rơpâu ngế kăn ƀô̆, thái cô kơvâ hnê hriâm, mâu kŏng an, mâu lêng, mâu khu ngăn pơkeăng mâu ngế ngăn on tơhrik... châ veăng ngăn tơ’noăng.

Pôa Lê Thành Long - Ngế pro xiâm phŏ hnê ngăn tơnêi têa pơkâ thế  Khu xiâm ngăn hnê hriâm ƀă hnê mơjiâng tuăn ngôa rơkê ƀă mâu khu xiâm, kơvâ cheăng tơrŭm krá tơdrêng ƀă mâu cheăm tơring kong pơlê hbrâ mơdât lơ ai tơdroăng ôh tá tơniăn, hlối pro tơ’lêi hlâu ăm hok tro châ tơ’noăng.