Tơbleăng a rôh hôp, pôa Lương Cường - Kăn xiâm hnê ngăn tơnêi têa tối nhên, nôkố, bú ối luâ môi khế nếo kô tâi hơnăm 2025, ƀă bú ôi iâ hâi mê, tơdroăng cheăng vâ pêi hên, pơkâ thế pêi hên tơdroăng cheăng. Xua mê, Ƀơrô kal mơ-eăm tâ kơ mê nếo, hbrâ nhên tŭm tơdroăng, tơbleăng tơdroăng cheăng pêi mâu pơkâ vâ pêi ăm  nhên khât, tro tiô pơkâ; mâu tơdroăng vâ tơbleăng pêi mê thế pê klêi tơdroăng cheăng cho tơdroăng vê hdró.

Pakĭng mê pơtối rak vế tuăn vâ pê klêi hnoăng cheăng, tơrŭm ƀă mâu tíu pêi cheăng ki tơdjâk troh tối nhên mâu tơdroăng, tối mâu tơdroăng pơkâ thế tăng ‘nâi plĕng, tăng ngăn pôi tá lôi xôi tá mâu tơdroăng cheăng pêi rêm hâi ƀă pêi tơdrêng. Tơdrêng amê, Ƀơrô Kăn xiâm hnê ngăn tơnêi têa tơkŭm pơkuâ hnê, mơhno tơkŭm mơgêi pêi mâu hnoăng cheăng  tung hơnăm 2025, tơbleăng mâu tơdroăng cheăng tung hơnăm 2026.

Tung mê, tối nhên mâu tơdroăng hiăng pêi châ tơbrê ƀă mâu tơdroăng cheăng ki hâi pêi, ki pêi hâi tro vâ mơjiâng pơkâ pê, tơbleăng pêi mâu tơdroăng tung la ngiâ rế châ tơƀrê tâ.