Roh lăm pôu roh kố dêi Pơtáu Brunei mơnhên tơdroăng khŏm mơ-eăm dêi péa tơnêi têa têa đi đo krá tơniăn, pro trâu hơngế tơrŭm cheăng nhŏng o ƀă tơrŭm tung tâi tâng mâu kơvâ cheăng, klêi kơ’nâi mơdêk tơrŭm cheăng pơla péa pâ to Khu tơrŭm cheăng Tâi tâng. Tơdrêng amê roh lăm pôu mơhno tơdroăng ki nhuô̆m ƀă tơdroăng tơrŭm nhŏng o krá tơniăn pơla Brunei ƀă Việt Nam, môi tiah môi khu tơrŭm ki loi tơngah tung ASEAN.

Tung pơla tơrŭm cheăng tâi tâng Việt Nam – Brunei mơnhông lĕm tro, roh lăm pôu râ Tơnêi têa troh Việt Nam dêi Pơtáu Brunei pơtối veăng gum pro krá tơniăn ƀă pro trâu hơngế tâ nếo loi tơngah kal kí, mơdêk tơrŭm hên pâ pơla péa tơnêi têa, tung mê ai kal kí – tơpui kâ ƀă kong têa ê, gâk kring tơnêi têa - gâk kring tơniăn, cheăng kâ, tê mơdró, mơ’no liăn cheăng, hnê hriâm, khôi túa lĕm tro, Halal, trâm mâ pơla kuăn pơlê...

Klêi kơ’nâi leh tơdah, pôa Lương Cường, Kăn xiâm hnê ngăn tơnêi têa ƀă Pơtáu kong têa Brunei pơkuâ djâ Khu râ kăn péa tơnêi têa tơkŭm po tơpui tơno, mơnhên tơdroăng châ tơƀrê tơrŭm cheăng pơla péa tơnêi têa tung pơla kố nah ƀă pơkâ mâu troăng tơrŭm cheăng tung la ngiâ.