A roh tơdah, pôa Lương Tam Quang tối ăm ‘nâi, tung pơla kố nah, tơrŭm cheăng pơla Việt Nam – Mih hiăng ai hên tơdroăng mơnhông tơtêk. Ki rơhêng vâ tối tung pơla kố nah, klăng roh pôa Joe Biden, Kăn xiâm pơkuâ kong têa Mih lăm pôu Việt Nam, Mih ƀă Việt Nam hiăng mơdêk tơrŭm cheăng to Khu tơrŭm cheăng ton xŏn. Tơrŭm cheăng tung kơvâ cheăng kâ, tê mơdró, mơ’no liăn cheăng pơla Việt Nam - Mih pơtối cho tíu ki eăng, cho ki xiâm ki kal ƀă ivá mơhnhôk xiâm mơdêk tơrŭm cheăng péa tơnêi têa.

Pôa Lương Tam Quang pói vâ, Hô̆i đong Kơmăi kơmok Kŏng ngê̆ thông tin Mih, ƀă hnoăng cho khu tơrŭm cheăng ki loi tơngah ƀă ai tơdjâk dêi Mih, tơkŭm mâu kŏng ti ki má môi lâp plâi tơnêi ‘na kŏng ngê̆ thong tin ƀă tơdroăng pơtâng, kal pơtối mơnhông tâ mê nếo hnoăng cho kông tơdjêp pơla Chin phuh ƀă khu tê mơdró péa tơnêi têa vâ mơdêk tơrŭm cheăng kâ, tê mơdró, mơ’no liăn cheăng pơla péa pâ, ki rơhêng vâ tối cho mơ’no liăn dêi mâu khu tê mơdró kŏng ngê̆ thong tin ki má môi dêi Mih a Việt Nam.