Xông tơpui a roh hôp, Ngế pro xiâm hnê ngăn tơnêi têa kheăn kơdeăn hiâm mơno pêi cheăng kơtăng, thâ, châ tơƀrê dêi mâu khu xiâm, kơvâ cheăng, kong pơlê ƀă mâu rơkong tơpui a Roh hôp, mơhno tơdroăng khŏm mơ-eăm hên tung tơdroăng thăm tối tơplâ mơdât ƀă tơdroăng tơnăng ká xi xŏng IUU ƀă khŏm tah lôi ‘’theh trĭng’’ dêi EC tung hơnăm 2025.

Ngế pro xiâm hnê ngăn tơnêi têa pơkâ thế ngế ối a ko mâu khu xiâm, kơvâ cheăng, kong pơlê chiu pôu râng hnoăng cheăng tơdrêng, tâi tâng a ngiâ Chin phuh, Ngế pro xiâm hnê ngăn Chin phuh tối tâng lôi ai tơdroăng tuk ká xôi lơ hrá pêi pro tơdroăng tah ‘’theh trĭng’’ IUU. Pơtối pêi pro kơtăng tơdroăng tơbleăng rêm hneăng tơdroăng châ tơƀrê pêi pro hbrâ mơdât IUU a Khu hnê mơhno; pêi pro châ tơƀrê, kơtăng mâu pơkâ, Tối mơgêi, Mơ-éa ki kal, Pơkâ hnê mơhno dêi Đảng, dêi Chin phuh, Ngế pro xiâm hnê ngăn Chin phuh, pơkâ tơrŭm tơdjêp kơvâ ‘na hbrâ mơdât tơnăng ká xi xŏng IUU.