A hneăng hôp, pôa Phạm Minh Chính - Ngế pro xiâm hnê ngăn tơnêi têa pơkâ thế, thâ mơjiâng Pơkâ pêi hdró kơpong mê ing tơdroăng “pro tơ’lêi hlâu luât pơkâ tŏng kum, mơjiâng pro tơmeăm khoăng ƀă rơkê tung tơdroăng rak ngăn’’. Tơkŭm ‘mâi mơnhông mâu kơvâ cheăng kâ, pơ’lêh nếo tiô troăng pêi ki nếo. Pêi ahdrối mâu tơdroăng ‘no liăn pêi tơdroăng tơkêa bro ki xiâm, ki kal; tơkŭm hên tung tơdroăng hnê mơhno rế hên ngế rơkê cheăng, tơ’mot hên mâu ngế rơkê, pơhlêh nếo, hriăn plĕng ki nếo, xúa khoa hok kơmăi kơmok.

Pơtối rak vế mâu tíu pơxiâm pêi cheăng, pơhlêh nếo, hriăn plĕng ki nếo. Mơdêk pơhlêh túa pro hlá mơ-éa, pơhlêh tíu mơjiâng pro tê mơdró; mơdêk ‘no liăn cheăng, hbrâ pêi tro mâu tơdroăng tơkêa bro ki xiâm, ki kal vâ tơ’mot mâu khu ‘no liăn cheăng tơƀrê.