Ngế pro xiâm hnê ngăn tơnêi têa hiăng pôu ngăn Kŏng ti tơlo liăn pro kế kâ tê ngi kong têa ê Đồng Giao ƀă kơpong pêt tơmeăm akố. Kŏng ti nôkố dế tơkŭm pêi pro uâ pơliê kơchâi plâi ƀă ki têi cho 136 rơpâu tâ̆n kơchâi plâi tung môi hơnăm a 3 to hngêi kơmăi a Ninh Bình, Gia Lai ƀă Sơn La ƀă mâu kơmăi kơmok ki rơkê plĕng chal nếo, pêi pro châ tiô tơdroăng rơhêng vâ dê kơmăi uâ pơliê hên.

Pôu kơ-êng, hbru tơmeăm ăm kŏng nhân, ngế pêi cheăng dế pêi kơhnâ a ƀăng klâng pêt xik dêi tíu pêt Đồng Giao, Pơlê kong kơdrâm Tam Điệp, Ngế pro xiâm hnê ngăn Chin phuh tối phiu ro châ drêng châ ‘nâi pêi lo liăn dêi kŏng nhân, ngế pêi cheăng châ mơdêk. Ngế pro xâm hnê ngăn tơnêi têa rơhêng vâ, kŏng nhân, ngế pêi cheăng rơtế ƀă Kŏng ti pơtối ‘no roê kơmăi kơmok, hơ’lêh xúa khoa hok kih thuât, thăm mơdêk tơdroăng ki rơkê plĕng dêi ngế pêi cheăng; hơ’lêh pêt mâu hdrê ki lĕm tâ.