A rôh tơdah, péa pâ vâ môi tuăn tiah kố tơrŭm cheăng péa Đảng, péa tơnêi têa tung pơla hdrối kố nah hiăng mơnhông tơƀrê, malối klêi mâu hneăng lăm pôu dêi rơpó péa ngế Kăn xiâm pơkuâ hnê ngăn Đảng. Pôa Phạm Minh Chính, Ngế pro xiâm hnê ngăn tơnêi têa tối Đảng, Tơnêi têa Việt Nam đi đo ngăn mơnhông tơrŭm cheăng ƀă Sinuâ cho tơdroăng rah xo tro troăng rơhlâ, thế pêi hdrối tung troăng rơhlâ ‘na cheăng tơpui kâ dêi Việt Nam.

Ngế pro xiâm hnê ngăn tơnêi têa pâ thế tung la ngiâ, péa pâ pơtối mơdêk trâm mâ tơrá mâu kăn ƀă rêm râ, mơdêk trâm mâ, tơrŭm cheăng; mơdêk tơdjêp ƀă dêi rơpó tung mâu tơdroăng, pro xiâm mơdêk pêi lo kế tơmăm tung tơrŭm pơla péa tơnêi têa. Pôa Trương Khánh Vĩ tối, Sinuâ ngăn nhoăm tơdroăng mơnhông tơrŭm ƀă Việt Nam, đi đo ngăn mê cho troăng  rơhlâ pêi ahdrối tung tâi tâng mâu luât pơkâ tơpui kâ ƀă kong têa ki achê dêi Sinuâ mơdêk tơrŭm cheăng tung tŭm tơdroăng, Kuăn pơlê tối tung la ngiâ dêi Việt Nam - Sinuâ ai pơxúa ôh tá la lâi pơtê thăm rế trâu rơdâ, ki khât tâ tung la ngiâ.