Xông tơpui koh phiu ro khu râ kăn pơkuâ 19 Grup pơkuâ ki ối má môi dêi Sinuâ tung kơvâ mơnhông lĕm ‘nâng, cheăng kâ xúa kŏng ngê̆  ƀă mâu kăn teăng mâ veăng tơpui tơno, pôa Phạm Minh Chính, Ngế pro xiâm hnê ngăn Chin phuh mơnhên Đảng, Tơnêi têa Việt Nam đi đo mơnhông tơrŭm cheăng nhŏng o ƀă kong têa Sinuâ cho pơkâ ki tơdjâk pakong, rah xo troăng pêi cheăng ton xŏn ƀă kơjo má môi tung tâi tâng troăng tơpui kâ ƀă kong têa ê dêi Việt Nam.

Tối tơpui tơno cho môi troăng pêi pro ki nhên hlê plĕng tơdjuôm khu râ kăn xiâm péa Đảng, péa tơnêi têa vâ thăm tơrŭm cheăng ton xŏn tâi tâng Việt Nam – Sinuâ, kum mơjiâng pơlê pơla kum dêi pó tung la ngiâ Việt Nam – Sinuâ ai kơnâ ton xŏn, Ngế pro xiâm hnê ngăn tơnêi têa pói vâ mâu khu tê mơdró kong têa Sinuâ kô rơtế ƀă mâu Khu xiâm, kơvâ cheăng Việt Nam tơpui tơdrăng, tá hiâm mơno, pơkâ thế mâu troăng tơmiât pêi, troăng pêi rơkê păng ‘nâng vâ ki xiâm dêi tơdroăng tơrŭm cheăng kâ, tê mơdró, mơ’no liăn cheăng rế hía rế “păng ‘nâng trâu hơngế tâ’’.