65 hơnăm hiăng hluâ, mâu tơdroăng châ tơƀrê ‘na khoa hok ƀă kŏng ngê̆ ƀă pơhlêh nếo tơmiât pêi rơkê hiăng lôi ăm mâu tơdroăng mơnhông tung hên kơvâ, kơvâ ki xiâm dêi tơnêi têa, chiâng tơdroăng ki xiâm, mơhnhôk ăm tơdroăng mơnhông krá tơniăn tơnêi têa. Xông tơpui a roh leh, pôa Phạm Minh Chính, Ngế pro xiâm hnê ngăn tơnêi têa kheăn kơdeăn ƀă rơkâu mâu ngế ki rơkê, mâu ngế cheăng khoa hok châ diâp Pri hơnăm kố; tơdrêng amê, mơnhên ƀă kheăn kơdeăn tơdroăng ki mơ-eăm, tơdroăng châ tơƀrê ƀă mâu tơdroăng veăng kum dêi khu mâu ngế cheăng khoa hok tối krê ƀă kơvâ khoa hok kŏng nghê̆ tối tơdjuôm ăm tơnêi têa.

Ngế pro xiâm hnê ngăn tơnêi têa pói vâ, hiâm mơno hâk vâ hriăn plĕng, pêi cheăng xua khoa hok kŏng ngê̆ dêi mâu rơxông prôk hdrối pơtối châ troh lâp lu, mơnhông ivá ó rơdêi rơxông ối nếo, ki má lối cho khu mâu ngế cheăng khoa hok hâi kố ƀă tung la ngiâ