Xông tơpui a roh leh, pôa Phạm Minh Chính, Ngế pro xiâm hnê ngăn tơnêi têa tối nhên, tung plâ roh tơplâ roh ton nah mơjiâng tơnêi têa ƀă rak tơnêi têa pin dêi hdroâng kuăn ngo pin, mơhé tơkâ hluâ hên roh pơhlêh troăng tơkăng kong ƀă inâi “Quảng Bình đi đo cho tơnêi tơnêi krih tơviah ai hên mâu ngế ki rơkê”, ai tíu ki kal dêi tơnêi têa, cho tíu rơxông chal krâ nah, tíu châ hlo hên tơdroăng ki pơhlêh kân dêi roh tơplâ roh ton nah, chiu pôu hên tơdroăng châi heăng, tơklâ ƀă pơxiâm ăm tơdroăng po troăng vêh peăng Hdroh dêi tơnêi têa Việt Nam.

Tung la ngiâ, tung tơdroăng ki krá tơniăn ƀă mâu tơdroăng ki kal châ tơƀrê klêi kơ’nâi vâ chê 50 hơnăm môi tuăn tơnêi têa, 35 hơnăm vêh mơjiâng kong pơlê, rơtế ƀă tơdroăng la ngiâ eăng lĕm dêi tơnêi têa, Quảng Bình ai roh tơ’lêi kân mơnhông chiâng kong pơlê mơnhông hôm dêi kơpong peăng tơdế tơnêi têa ƀă ki xiâm cho mơnhông tơdroăng mơdró, ôm hyô; kơmăi kơmok krúa lĕm, on tơhrik ki vêh pro, uâ mơdiê, mơjiâng pro tơmeăm; pêi chiâk deăng xúa kŏng ngê̆ rơxông nếo, pơla kong kế ƀă kong prâi, pôu râng hnoăng cheăng, krá tơniăn.