Pôa Vladimir Putin, Kăn xiâm pơkuâ kong têa Rusi kheăn kơdeăn mâu tơdroăng veăng gum ki kal dêi mâu rơxông sinh viên Việt Nam hneăng hdrối nah a kong têa Rusi ăm tơrŭm cheăng nhŏng o tơrŭm tiô khôi vâi krâ nah tung hên hơnăm, tối pói tơngah mâu rơxông sinh viên Việt Nam kô pơtối cho kông tơdjêp vâ mâu rơxông hơnăm ối nếo Việt Nam hlê plĕng nhên tâ ‘na khôi túa lĕm, tơnêi têa ƀă kuăn mơngế Rusi.
A roh trâm mâ, mâu kăn teăng mâ hiăng tối mâu tơdroăng tơbâ trâu hơngế, tơdroăng tơrŭm pơla kuăn pơlê péa tơnêi têa; nhuô̆m mơnê tơdroăng tơmâng tŏng kum, hnê mơhno tơtro dêi Chin phuh péa tơnêi têa vâ kuăn pơlê péa tơnêi têa thăm hlê plĕng dêi pó. Tiô pôa Tô Lâm, mâu tơdroăng ki tơpui tối dêi mâu nhŏng o tung roh trâm mâ ăm hlo mơhé kơtăn hơngế pơla péa tơnêi têa, laga kuăn pơlê Việt Nam đi đo tơmâng vâ ‘nâi plĕng, séa ngăn kong têa Rusi, phiu ro ƀă mâu tơdroăng châ tơƀrê ƀă mơnhông dêi tơnêi têa Rusi, đi đo rơkâu kong têa Rusi kro mơdrŏng mơnhông ó rơdêi.
Viết bình luận