Tơpui a rôh trâm mâ, Pôa Tô Lâm, Kăn xiâm hnê ngăn tơnêi têa tối rơdêi tung mâu hneăng, Kăn xiâm hnê ngăn tơnêi têa ing mâu hneăng hdrối nah pơrá hiăng mơ-eăm vâ pêi pro tŭm, tơƀrê hnoăng cheăng, hnoăng pơkuâ tiô pơkâ dêi Luât.

Tung mâu hơnăm hdrối, châ tơdroăng ki tơmâng ngăn pơkuâ, hnê mơhno dêi Đảng, Tơnêi têa ki pơkuâ hnê mơhno tơdrêng cho Kăn xiâm hnê ngăn tơnêi têa, Kăn xiâm phŏ hnê ngăn tơnêi têa ing mâu hneăng, tơdroăng tơrŭm krá tơniăn, tơƀrê dêi mâu khu râ, kơvâ cheăng, kong pơlê ƀă tơdroăng ki môi tuăn, tŏng kum dêi mâu rơxông kuăn pơlê, Ƀơrô cheăng Kăn xiâm hnê ngăn tơnêi têa rế hía rế mơnhông tung rêm kơvâ.

Kăn xiâm hnê ngăn tơnêi têa Tô Lâm pơkâ thế kăn ƀô̆, mâu ngế cheăng dêi Ƀơrô cheăng Kăn xiâm hnê ngăn tơnêi têa pơtối pêi tro hnoăng cheăng, tíu cheăng châ pơkâ thế pêi, tơdrêng amê hlối rơhêng vâ châ xo mâu rơkong tơpui tối tí tăng ‘nâi plĕng, pơkâ mơ’no vâ pêi klêi rơkê hnoăng cheăng châ Đảng, Tơnêi têa ƀă kuăn pơlê loi, tơngah pơcháu.