Tơpui hnê mơhno a rôh hôp, pôa Tô Lâm, Kăn xiâm pơkuâ hnê ngăn cheăng Đảng tối nhên hneăng cheăng hdrối nah, cheăng mơjiâng, ‘mâi rơnêu Đảng pơtối châ tơbleăng pêi kơtăng, tŭm têk, pơhlêh nếo, veăng gum mơdêk ivá pơkuâ, ivá ngế ki ối a ko ƀă ivá tơplâ dêi Đảng. Mâu hơnăm hdrối, Khu xiâm pơkuâ tơdroăng kal kí, Khu pơkuâ ngăn Đảng ƀă râ Đảng rêm râ hiăng lăm ngăn lối 232 rơpâu khu tơrŭm đảng ƀă lối 1,2 rơtuh ngế đảng viên; mơgêi 545 khu tơrŭm Đảng ƀă 4.213 ngế đảng viên pro xôi.

Vâ mơdêk ki tơƀrê cheăng tung hneăng cheăng la ngiâ, Kăn xiâm pơkuâ hnê ngăn cheăng Đảng pơkâ thế rêm râ Đảng, khu tơrŭm pơkuâ hnê ngăn Đảng, Vi ƀan séa ngăn tơkŭm pêi pro tro 5 tơdroăng cheăng ki kal, tung mê tơtrŏng mơdêk ki rơkê, tơƀrê séa ngăn sap ing chi ƀô̆, rak tơniăn tơdroăng luât, kơtăng, tơdroăng ki môi tuăn, krúa lĕm krá rơdêi dêi Đảng.