Kơdrâm kuăn pơlê tơring Văn Giang, kong pơlê Hưng Yên khĕn kơdeăn khât tơdroăng plâ mơdât kâ kơluâ - pro oh tá tro châ Đảng, Tơnêi têa tơmâng khât tung pơla hdrối kô nah. Tơdroăng plâ mơdât kâ kơluâ, pro oh tá tro veăng mơdât, troh tah kâ kơluâ - pro ôh tá tro, ‘mâi mơnhông tuăn loi dêi kuăn pơlê ƀă Đảng, Tơnêi têa.

A rôh trâm mâ, pôa Tô Lâm, kăn xiâm pơkuâ hnê ngăn Đảng, Kăn xiâm hnê ngăn tơnêi têa ăm ‘nâi kô tơkŭm hnê mơhno tơleăng mơnhên klêi mâu tơdroăng ki ôh tá tro, hâi pêi pro, mâu tơdroăng dế pro hâi teăm klêi ma lối cho hnê mơhno tơleăng mơnhên klêi mâu tơdroăng xơpá, tơvâ tơvân  tung  tơdroăng tơleăng mơnhên ‘na  tơdroăng kâ kơluâ mê cho séa ngăn tơmeăm khoăng, pơkâ yă tơmeăm, kơjo ‘na luât tăng rup, tăng ngế ki lơ châ hmuâ, xo tơvêh tơmeăm khoăng.

Má péa nếo, cho pơtối hnê mơhno mơdêk mơjiâng ƀă pê klêi tơdâng luât pơkâ hbrâ mơdât kâ kơluâ pro ôh tá tro. Má pái kô tơkŭm hnê mơhno tơdâng ai pơxúa tâ nếo, tơdroăng séa ngăn, tăng ngăn, riân ngăn liăn ngân.

-