Tung roh lăm pôu pêi cheăng, pôa Tô Lâm, Kăn xiâm pơkuâ hnê ngăn ngăn Đảng kô rơtế pơkuâ Roh trâm mâ khu râ kăn xiâm pơla Đảng Kŏng san Việt Nam ƀă Đảng Nhân yân Kăch măng Lếo sap hâi lơ 1 troh lơ 2/12/2025, tiô rơkong krếo thế dêi pôa Thongloun Sisoulith - Kăn xiâm pơkuâ hnê ngăn Đảng Nhân yân Lếo, Kăn xiâm hnê ngăn kong têa Lếo.

Roh lăm pôu pêi cheăng dêi Kăn xiâm pơkuâ hnê ngăn Đảng tơnêi têa pin roh kố kô mơjiâng ivá nếo ăm tơrŭm cheăng ton xŏn pơla péa tơnêi têa tung tâi tâng kơvâ cheăng. Kố cho môi tung mâu tơdroăng tơpui kâ ƀă kong têa ê ki má môi ki kal dêi Việt Nam đi đo kơjo má môi ăm tơrŭm nhŏng o kân kĭn, tơrŭm môi tuăn ki má môi, tơrŭm tâi tâng ƀă kong têa Lếo, mê ối mơnhên tơdroăng khŏm mơ-eăm dêi Việt Nam rơtế ƀă Lếo mơjiâng troăng tơmiât nếo, djâ tơrŭm cheăng péa tơnêi têa to a râ a’ngêi nếo ƀă tơdroăng loi tơngah kal kí hên, mơjiâng châ tơƀrê ƀă mơdêk mơnhông mơdêk păng ‘nâng tơrŭm cheăng pơla péa tơnêi têa tung hneăng nếo.