Vâ tơbleăng châ tơƀrê Túa pơkâ Kơpong hiăng châ Ngế pro xiâm hnê ngăn Chin phuh kĭ, mâu khu xiâm, kơvâ cheăng, kong pơlê ki ai tơdjâk troh kal tối tơbleăng troh lâp lu, tơbleăng tơdrăng troh kuăn pơlê, khu mơdró kâ mâu khu ngăn tơdroăng cheăng kâ tung tơnêi têa ƀă a kong têa ê vâ tơ’mot tơdroăng ki veăng tơrŭm dêi rêm pâ ai tơdjâk troh tiô túa ki tơƀrê má môi.

Tơpui a Rôh hôp, pôa Trần Hồng Hà, Ngế pro xiâm phŏ hnê ngăn Chin phuh, kăn hnê ngăn Hô̆i đong xing xoăng Kơpong tối rơdêi, Túa pơkâ kơpong Bắc Trung bộ ƀă a kĭng têa kơxĭ Tơdế tơnêi têa pơla hơnăm 2021 – 2030, troăng ngăn troh hơnăm 2050 mơhno túa tơmiât, troăng ngăn, túa pơkâ pêi mơnhông ki kal, tơƀrê.

Túa pơkâ kố po ăm troăng ngăn ƀă tơdroăng mơnhông nếo, pro ivá, kơnía nếo tung um kơchuâ tâi tâng ‘na mơnhông cheăng kâ rêh ối pơlê pơla dêi kơpong Bắc Trung bộ ƀă a kĭng têa kơxĭ tơdế Tơnêi têa tung la ngiâ.