Klêi tâ phĭu ăm ‘nâi pôa Trần Thanh Mẫn - Ngế cheăng tung khu xiâm Kal kí; Kăn xiâm phŏ hnê ngăn Kuô̆k hô̆i hiăng châ Kuô̆k hô̆i rah xo pro Kăn xiâm hnê ngăn Kuô̆k hô̆i hneăng 15.

Tơdroăng pơkâ rah xo pôa Trần Thanh Mẫn pro Kăn mê xuân châ mâu kăn tung Kuô̆k hô̆i têk kŏng vâ môi tuăn ƀă ai 475/475 ngế veăng têk kŏng vâ (châ 97,54% tung tâi tâng kơxô̆ mâu kăn Kuô̆k hô̆i). Kăn xiâm hnê ngăn Kuô̆k hô̆i ki nếo tơbleăng vâ môi tuăn ƀă Kuô̆k hô̆i, Kuăn pơlê ƀă rak Luât a ngiâ Kuô̆k hô̆i drê xo hnoăng pro kăn.

Tối ‘na tơdroăng rêh ối, pêi cheăng dêi pôa Trần Thanh Mẫn - Ngế cheăng tung Khu xiâm cheăng kal kí, Kăn xiâm hnê ngăn Kuô̆k hô̆i tơnêi têa Kŏng hoa xah hô̆i chuh ngiah Việt Nam

-Kot mâ hâi lơ 12 khế 8 hơnăm 1962, kơnốu, hdroâng mơngế Xuăn

-Pơlê xiâm: cheăm Thạnh Xuân, tơring Châu Thành A, kong pơlê Hậu Giang.

-Xiâm kối tơdroăng cheăng dêi nôu pâ: Pêi chiâk deăng a râ ki chía tơtêk.

-Tơdroăng cheăng hdrối vâ châ rah xo pro kăn, cho: Hok tro

-Hâi pơxiâm châ rah xo pro kăn ƀô̆, kŏng chưk, viên chưk: Hâi lơ 1 khế 7 hơnăm 1979.

-Hâi mot Đảng: Lơ 25 khế 8 hơnăm 1982, hâi ki păng ‘nâng lơ 25 khế 8 hơnăm 1983.

-Tơdroăng hriâm:

+Hriâm kơlo phôh thong: Lâm 12 kơpêng 12

+Hriâm ki kân má môi: Tiê̆n sih ‘na Cheăng kâ

+Lĭ luâ̆n chĭn trĭ: Kưh nhân Chĭn trĭ chĭn kui

-Kơdeăn khĕn:

+Huân chương pêi cheăng ối má Môi, Má péa, má Pái a mâu hơnăm 2005; 2010 ƀă hơnăm 2017.

+Huân chương kring vế Tơnêi têa ối má Pái hơnăm 2011.

+3 to Ƀâng kơdeăn kheăn dêi Ngế pro xiâm hnê ngăn Chin phuh

+Chiê̆n sih Tơ’noăng rơkê dêi Lâp tơnêi têa a mâu hơnăm 2000 ƀă hơnăm 2009.

-Tơdroăng tro hôu tối: +Ôh tá ai

-Apoăn, cho ngế ki ối tung râ ki vâ chê mot tung Khu xiâm pơkuâ hnê ngăn Đảng hneăng 10.

-Klêi mê, cho Ngế cheăng tung Khu xiâm pơkuâ hnê ngăn Đảng hneăng 11, hneăng 12 ƀă hneăng 13.

-Kăn pơkuâ hnê ngăn tung Khu xiâm pơkuâ hnê ngăn Đảng hneăng 12.

-Ngế cheăng tung Khu xiâm ngăn cheăng Kal kí hneăng 13.

-Kăn tung Khu xiâm Kuô̆k hô̆i hneăng 13, hneăng 14 ƀă hneăng 15.