A rôh tơdah, péa pâ rơtế tối, tơrŭm cheăng tung tŭm tơdroăng pơla Việt Nam ƀă Hungary tung mâu hơnăm hdrối mê hía nah mơnhông tơƀrê tung mâu kơvâ cheăng, tung mâu ƀâng, malối cho ‘na kal kí - tơpui tơno, cheăng kâ - tê mơdró, hnê hriâm - hnê mơjiâng tuăn ngôa rơkê, túa lĕm tro. Péa tơnêi têa pơtối rak vế đi đo tơpui tơno ƀă mâu kăn rêm râ, malối cho mâu kăn xiâm tơnêi têa.

Tơdroăng tơpui mê hiăng ƀă dé veăng ‘no hnoăng mơnhông tơrŭm cheăng péa tơnêi têa rế mơnhông tâ. Kăn xiâm hnê ngăn Kuô̆k hô̆i pơkâ thế péa pâ pơtối pêi mâu tơdroăng ki kal Tơhrâ tơrŭm cheăng pơla Kuô̆k hô̆i péa tơnêi têa hiăng châ kĭ a hơnăm 2022. Kăn xiâm hnê ngăn Kuô̆k hô̆i rơkâu Hungary xo pêi klêi hnoăng cheăng hneăng pơ’lêh pro Kăn xiâm hnê ngăn dêi Hô̆i đong - EU, púi vâ a hnoăng cheăng pêi mê, Hrungary kô mơdêk tơrŭm cheăng pơla EU ƀă ASEAN ƀă tơrŭm cheăng  pơla Việt Nam - EU.