3 tơdroăng tơkêa ‘mâi rơnêu troăng kơphô̆ châ kăn pơlê kong kơdrâm Kon Tum, kong pơlê Kon Tum tơkŭm tung tơdroăng ki rơnêu kĭng troăng, rơnêu mâu tíu kơdoăng mơ’no têa, pêt, rak ngăn loăng ngiât ƀă krâ pul on ăm bâ eăng a troăng prôk ƀă tâi tâng ki xŏn dêi mâu troăng kố lối  6.500m.

Tiô kơchuâ, tâi tâng kĭng troăng 5 to troăng prôk tung pơlê kong kơdrâm Kon Tum châ krâ gât hmốu granite.

Tíu ki hdoăng mơ’no têa châ pơhlêh pro ƀă klŏng tơvó ƀê tong ly tâm. Ƀă mâu troăng prôk ai pêt loăng ngiât ôh tá tro túa kơphô̆ châ pơhlêh pêt loăng ki nếo ƀă têa ki xúa rêm hâi dêi kuăn pơlê xuân châ ‘no lăn pro nếo tíu ki mơ’no. Tiô pơkâ, 3 tơdroăng tơkêa ‘mâi rơnêu troăng kơphô̆ pơlê kong kơdrâm Kon Tum, kong pơlê Kon Tum kô klêi a khế 10/2024, khế 3/2025 ƀă khế 7/2026.