A rôh hôp kố, Kuô̆k hô̆i kô tâ phĭu rah xo Kăn xiâm hnê ngăn tơnêi têa, Kăn xiâm hnê ngăn Kuô̆k hô̆i kố séa ngăn tơbleăng 10 tơdroăng tơkêa bro luât; ăm hnê tối 11 tơdroăng tơkêa bro Luật; xuân môi tiah tơdroăng pơkâ ‘na cheăng kâ - rêh ối, liăn ngân tơnêi têa, séa ngăn mâu tơdroăng kal ki ê. Rôh hôp kố châ kuăn pơlê tơmâng khât, tơngah Kuô̆k hô̆i tơbleăng Pơkâ ăm phêp Luât tơnêi kô xêt sap hâi lơ 1/7/2024.

Po tung pơla tơdroăng cheăng kâ dêi tơnêi têa pin dế trâm hên tơdroăng pơloăng mơnúa, kuăn pơlê tơngah mâu kăn Kuô̆k hô̆i pơtối rak vế hnoăng cheăng, tuăn ngôa rơkê, tơdrêng ƀă tơdroăng hôp tơpui tơno vâ tăng troăng rơhlâ tah xơpá ‘na cheăng kâ, pê klêi mâu tơdroăng pơkâ pêi tung cheăng kâ-rêh ối châ Kuô̆k hô̆i tối tơbleăng a hơnăm 2024, pro xiâm krá ăm tơdroăng pê klêi mâu pơkâ ăm pơla hơnăm 2021-2025.