Tơdroăng tơkêa Kơpong cheăng ƀă kơmă kơmok VSIP Hà Tĩnh ƀă túa pơkâ bro a ƀăng tơnêi 190,41 ha, ai tâi tâng kơxô̆ liăn ‘no lối 1.555 rơtal liăn, châ pơkâ troăng tung la ngiâ cho ‘no liăn bro chiâng túa kơpong cheăng ƀă kơmăi kơmok tơ’lêi hlâu, tiô chal nôkố, krá ton ƀă mâu hngêi trăng, troăng klông tro tiô pơkâ, pêi pro châ tiô tơdroăng púi vâ mâu khu ki ‘no liăn cheăng.

Pôa Trần Hồng Hà, Ngế pro xiâm phŏ hnê ngăn tơnêi têa tối nhên, VSIP Hà Tĩnh châ tơngah kô pro ivá tơ’mot mâu khu ‘no liăn cheăng tung tơnêi têa ƀă kong têa ê ‘na mâu kơvâ cheăng môi tiah on tơhrik ƀă điê̆n tưh, bán dẫn, hâng pơklĕp meăm, on tơhrik, hmốu on rơxế, meăm, kế tơmeăm xúa tung mâu rơxế ô tô, pro kế tơmeăm, hmốu ki pơto chơ, hngêi pro kế tơmeăm ăm mung ƀă hên ki ê kô ai lối 30 rơpâu tơdroăng cheăng, pro ivá mơnhông ăm tơdroăng mơnhông cheăng kâ dêi kong pơlê Hà Tĩnh.