Quảng Ninh pơtối rak ối má môi hơnăm má 7 pơtối ƀă 71,25 điêm ối má môi PCI
Thứ sáu, 06:00, 10/05/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Kơxo lơ 9/5, a Hà Nội, Liên đoân tê mơdró ƀă Kơmăi kơmok Việt Nam (VCCI) tơkŭm po Leh tơbleăng kơlo têk chu tơbriât râ kong pơlê (PCI) ƀă Kơlo têk chu Ngiât râ kong pơlê (PGI) 2023. Hơnăm kố kong pơlê Quảng Ninh pơtối rak ối má môi hơnăm má 7 pơtối ƀă 71,25 điêm ối má môi PCI.
Tơbleăng kơlo têk chu ivá tơbriât kong pơlê PCI ƀă Kơlo têk chu Ngiât râ kong pơlê PGI 2023 châ mơjiâng tiô tơdroăng tiâ tối ing séa ngăn Tíu tê mơdró 2023 ing tơdroăng séa ngăn lối 10.000 khu tê mơdró tung lâp tơnêi têa. Hơnăm kố, kong pơlê Quảng Ninh pơtối rak ối kơlo má môi hơnăm má 7 pơtối ối má môi PCI, pơtối mê cho Long An, Hải Phòng, Bắc Giang, Đồng Tháp.
Xông tơpui a leh tơbleăng, pôa Phạm Tấn Công, Kăn hnê ngăn VCCI tối, ƀă tơdroăng mơjiâng ƀă tơbleăng PGI pakĭng kơlo têk chu PCI, VCCI pói vâ mâu kong pơlê pơtối pơhlêh tíu tê mơdró ó rơdêi tơdrêng amê tơmâng hên tâ mê nếo troh mơnhông cheăng kâ ƀă tơdroăng gâk kring kong prâi.
Viết bình luận