Tung mê ki xiâm cho tơrŭm cheăng vâ troh leh tơbâ 15 hơnăm kĭ tơhrâ, pơkâ hdró troăng tơkăng kong a tơnêi pơla Việt Nam - Sinuâ, Tơdroăng kĭ tơhrâ mê ai pơkâ luât rak ngăn tíu tơkăng kong a tơnêi pơla Việt Nam - Sinuâ; nôkố mơnúa pêi ngăn, pơkâ hdró, tơdroăng pêi rak ngăn tơnêi tơníu Kơpong tơnêi a Xí Bản Giốc dêi (Việt Nam) - Đức Thiên dêi (Sinuâ) tung hơnăm 2024 ƀă mâu tơdroăng kal tơdjâk ki ê.

Tung la ngiâ, péa pâ môi tuăn pơtối tơrŭm krá tung luât pơkâ dêi Vi ƀan tơrŭm cheăng tíu tơkăng kong a tơnêi pơla Việt Nam - Sinuâ, pêi tro hnoăng cheăng rak ngăn, kring tơniăn tơkăng kong, bo cheăng tơkăng kong tro tiô kơxô̆ 03 tung hlá mơ-éa chêh ‘na luât tíu tơkăng kong a tơnêi pơla Việt Nam - Sinuâ ƀă mâu tơdroăng tơhrâ ki tơdjâk troh, mơdêk tơrŭm, mơnhông tơƀrê a kơpong tơkăng kong, rơtế mơjiâng troăng tơkăng kong pơla péa tơnêi têa hơniâp lĕm, tơrŭm, tơniăn ƀă hlối mơnhông tơƀrê.