Vêh tối pơkâ pêi plah Hneăng hôp má XIII dêi Đảng troh hơnăm 2025 lâp tơnêi têa ai 3.000 km troăng ăm phêp rơxế kơtâu têi ƀă troh hơnăm 2030 lâp tơnêi têa ai 5.000 km troăng ăm phêp rơxế kơtâu têi; klêi mê tối nhên, tâi tâng tơdroăng cheăng châ pêi pro hơnăm 2024 cho kân, hâi khế ki pơtối bu u ối 7 khế, Ngế pro xiâm hnê ngăn Chin phuh pơkâ mâu Khu xiâm, kơvâ cheăng, kong pơlê kal thăm pêi pro, kơtăng tâ mê nếo, tơkŭm tah lôi mâu tơdroăng pá puât, tơvâ tơvân, pêi pro mâu hnoăng cheăng vâ mâu tơdroăng tơkêa bro châ rak vế, pêi pro tơniăn tro, dâi lĕm, pêi inhên – lĕm, tơniăn lĕm, tơniăn krúa kong prâi, hbrâ mơdât kâ kơhveăm liăn ngân, tơdroăng ki ôh tá tro.

‘Na tơdroăng pêi pro, Ngế pro xiâm hnê ngăn tơnêi têa pơkâ thế mâu kong pơlê, pơlê kong kơdrâm mơhnhôk mâu khu pro mơhnhôk tŭm mơngế, kơmăi kơmok vâ pro tơdrêng amê pơkuâ krá tơniăn tơdroăng pro, ki dâi lĕm ƀă teăm tơdrêng vâ tah lôi mâu tơdroăng pá puât, tơvâ tơvân tơxâng pơkâ pêi; ƀă mâu tơdroăng tơkêa bro hrá mơjiâng pro kêi đeăng kal hnê mơhno mâu khu ki tơdah mơjiâng pro tơ’nôm mơngế pêi cheăng, rơxế kơmăi kơmok vâ rak tơniăn pro kêi đeăng tiô pơkâ mâu tơdroăng tơkêa bro.