Pôa Đỗ Tiến Sỹ, Ngế xiâm pơkuâ Rơ’jíu Việt Nam ăm ‘nâi kơtăn kố iâ măng tĭng, Rơ’jíu hiăng tơbleăng tơdroăng veăng tơlo gum iâ hlái 1 hâi liăn khế, châ xo vâ chê 500 rơtuh liăn pơtroh ăm Măt trâ̆n Tơnêi têa Việt Nam gum kuăn pơlê kơpong têa lân lu. Rôh mơhnhôk rôh kố pơtối mơhnhôk kăn ƀô̆, ngế chêh hlá tơbeăng, kih thuât thâu hrik ƀă mâu ngế pêi cheăng tung tâi tâng Rơ’jíu tơdjuôm ivá, ngăn kố cho hnoăng cheăng, tơdroăng pêi ki lĕm vâ tơdjâk hiâm mơno tŏng gum kuăn pơlê.

Rơ’jiu kô mơdêk rơdêi túa pêi cheăng chêh hlá tơbeăng tối tơdrăng ivá ‘mâi mơnhông cheăng kâ, mơgrúa lĕm hngêi trung lâm hriâm, rak ngăn ivá châ chăn, hbrâ mơdât pơreăng ƀă tơdjuôm ivá dêi kăn pơkuâ, khu mơdró kâ, khu tơrŭm kong têa ê, veăng gum tơ’nôm ivá ăm kuăn pơlê tơkâ luâ xơpá.