A Khánh Hòa, hên mâu tíu a kong ngo ối klâ krê. Mâu kăn mâu cheăm hiăng ăm mâu ngế khu tŏng gum tung plâ prôk, malối tơkâ luâ tíu tơnêi tơhnâp, kông têa plế têa, rơ-iô. Drêng rơxế chơ tơmeăm troh a cheăm, mâu lêng ƀă kuăn pơlê, đoân viên ƀă mâu kuăn pơlê rơtế po mâu kơnâng mot a mâu thôn ki klâ krê. Kong pơlê Khánh Hoà hiăng tơbleăng 48 tíu tơdah xo xing xoăng tŏng kum ăm mâu cheăm. Mâu khu lo tŏng gum châ pâ thế tơpui hdrối vâ ‘nâi tơdroăng, xoăng tơmeăm ki veăng tolo.

Mâu kơ koan khu râ pơkuâ cheăng hnê tối ăm kuăn pơlê ƀă mâu ki lăm tŏng gum thế hbrâ rơnáu ing mâu ngế ki krếo tŏng gum ki ôh tá ‘nâi xiâm ulâi, vâ ví lơ ai khu ‘mêi xúa tuăn mơno ki lĕm kuăn pơlê vâ pro pơxúa ăm tơná.