Tung tơdroăng ki hmái i lĭng, kăn pơkuâ kong pơlê Gia Lai, mâu khu râ, pơkuâ cheăng, đoân theh, khu lêng kring vế pơtáu Kul hiăng tu ko tơdah mâu kơxêng kiâ mố đô̆i vêh dêi ngi pơlê ƀă tâp ‘mé a i lâng tơniăn.

Jâ Keo Sa Vuoen, kăn phŏ pơkuâ kong pơlê, ngế xiâm pơkuâ khu pơkuâ cheăng kong pơlê Stung Treng, teăng mâ Khu ki pơkuâ 3 to kong pơlê Ratanakri, Preah Vihear ƀă Stung Treng ăm ‘nâi, peăng Kul kô pơtối tơrŭm tro ƀă Khu ki pơkuâ ƀă Đô̆i K52 Việt Nam tung hnoăng cheăng tí tăng, tơkŭm kơxêng kiâ mố đô̆i ki hlâ tung hơnăm la ngiâ, ƀă ngăn hnoăng cheăng kố môi tah tơdroăng ki mơnê kân, tơbêng tơrŭm cheăng tơrŭm tơroâ pơla Kul – Việt Nam.