Thươ̆ng tươ̆ng Hoàng Xuân Chiến, Ngế xiâm phŏ pơkuâ ngăn lêng Việt Nam prếi pôa Kim Seon Ho,ngế xiâm phŏ pơkuâ ngăn lêng Hàn Quốc rơtế pơkuâ po. A rôh tơpui tơno, péa pâ hiăng môi tuăn tung la ngiâ pơtối mơ-eăm mơdêk tơrŭm,ki kal tung mâu kơvâ môi tiah: Pơtroh mâu kăn; hnê hriâm – hnê cheăng pêi; mâu troăng hơlâ tơpui tơno, tăng ‘nâi, trâm mâ; kơmăi kơmok cheăng lêng, tê mơdró ‘na lêng; hrik xo mâu ƀom mìn klêi kơ’nâ rôh tơplâ, rak vế hơniâp lĕm Khu lâp kong têa.

Khu xiâm pơkuâ ngăn lêng Việt Nam hbrâ rơnáu tơdah râ kăn xiâm dêi Hàn Quốc lăm ngi Việt Nam veăng a Hneăng hriâm Kăn xiâm pơkuâ ngăn lêng a Học viện Quốc phòng ƀă mâu hneăng hriâm tiếng Việt a Học viện Khoa học Quân sự.