Pro rế lĕm tíu pêi cheăng ăm tơnêi têa, Lâm Đồng sap ing 137 tíu pêi cheăng râ cheăm chu ối 51 to cheăm, bêng, kơdroh 86 tíu pêi cheăng, tơdâng lối 62% (ôh tá riân cheăm Ninh Gia dêi tơring Đức Trọng ƀă Bà Gia dêi tơring Dà Huoai ối rak inâi ti mê).

Nôkố, kong pơlê xuân dế pêi vâ rĕng klêi khu pêi cheăng ăm tơnêi têa tơ’mot tơdjuôm 3 to kong pơlê Lâm Đồng, Bình Thuận ƀă Dak Nông chiâng kong pơlê ki nếo tiô pơkâ dêi Khu Kăn xiâm Đảng. Klêi tơ’mot tơdjuôm kong pơlê Lâm Đồng ki nếo ai tơnêi 24.233 km2, pơ’leăng mâ mơngế 3,3 rơtuh ngế, cho kong pơlê ki kân rơdâ  má môi tung lâp tơnêi têa.

Tung pơla xing xoăng pro rế lĕm, kong pơlê Lâm Đồng tối  troh tâi khế 12/2025 ai 1.097 ngế kăn ƀô̆, mâu ngế pơkuâ cheăng rêm kơ koan, tíu pêi cheăng, mâu ngế pêi cheăng a mâu kơ koan tơnêi têa, mơngế pêi cheăng tung kong pơlê pơtê cheăng. Kong pơlê kô ‘no lối 1.440 rơtal liăn ăm mâu kăn ƀô̆ ki pơtê, tiô pơkâ 178/2025 dêi chin phuh.