Mâu tham luâ̆n a roh hôp rơtế tơpui tơno ƀă tối ăm dêi pó túa ki rơkê tơtro ing mâu tơdroăng tơkêa bro ‘na mơdêk tơdroăng ki hbrâ dêi mâu ngế rơkê, ngế cheăng khoa hok ki 2 pâ hiăng rơtế pêi pro a 3 kơpong, mê cho: Tây Bắc, Tây Nguyên ƀă tơbeăng kroăng Cửu Long xuân môi tiah tơdroăng kal vâ ƀă ki kal dêi tơdroăng mơjiâng mơngế pêi cheăng kum ăm tơdroăng hriăn plĕng khoa hok tung kơvâ pêi chiâk deăng kâi trâng ƀă kong prâi hơ’lêh ƀă tơleăng mâu pơloăng mơnúa ƀă kơmăi kơmok mơjiâng pro tơmeăm kâ.

Pôa Phùng Đức Tiến, Ngế xiâm phŏ Khu xiâm pơkuâ ‘na pêi chiâk deăng ƀă mơnhông thôn pơlê Phùng Đức Tiến tối, vâ tơleăng mâu pơloăng mơnúa nôkố môi tiah: kong prâi rế hía tô ó, kong prâi hơ’lêh, kơdroh ki mơ’no lo hngêi nhĕng, thăm pro ngiât lĕm, xuân môi tiah mâu tơdroăng ki mơdât kih thuât dêi mâu kong têa rôe tơmeăm kong têa pin rế hên, 2 pâ kal pơtối tơrŭm krá tơniăn vâ kơnó mâu pơloăng mơnúa, rơtế tơleăng châ tơƀrê.