VOV4.Sêdang - A kơpong Tây Nguyên, tơdroăng ki tí tăng mơngế veăng krí kơphế cho hên ó ‘nâng tung rơnó krí kơphế pơla kố. Ki păng ‘nâng ăm hlo, hơnăm hdrối nah, hơnăm kố, mơngế pêi kơphế a Tây Nguyên trâm pá ‘na tăng mơngế veăng krí kơphế, xua mâu ki veăng pêi mê vâi athế mơhá liăn tâk hên. Chêh tối ‘na tơdroăng kố a tơring Đăk Hà, kong pơlê Kon Tum, tíu ki ai deăng kơphế hên troh 8 rơpâu 400 ha kơphế, tung mê, ai lối 5 rơpâu 500 ha dế ai plâi hiăng tum.