VOV4.Sêdang - Pơtối roh hôp má 5, hâi lơ 1/6, Kuo#k ho#i tơpui tơno ‘na tơdroăng tơkêa bro Luât Hbrâ, mơdât kâ kơluâ (‘mâi hơ’lêh) [ă mâu tơdroăng ki xiâm ki hên mâu kăn ối tối pơrá phá tơ-ê dêi pó dêi tơdroăng tơkêa bro Luât ‘mâi hơ’lêh, ‘mâi bro tơ’nôm mâu tơdroăng dêi Luât hriâm ivá.

Tơdroăng tơkêa bro Luât Hbrâ, mơdât kâ kơluâ (‘mâi hơ’lêh) pơtroh tơbleăng ăm Kuo#k ho#i roh kố, ki tơchuôm ga hiăng tơmâng rơkong tối dêi mâu kăn Kuo#k ho#i a hneăng hôp má 4.

Hên tơdroăng pơkâ dêi tơdroăng tơkêa bro Luât kố hiăng châ ‘mâi hơ’lêh vâ khoh châ chiâng rak vế, pêi pro păng ‘nâng, tơtro [ă tơdroăng rêh ối, cheăng kâ, xuân pêi pro tơdrêng [ă khu luât ki dế pơkâ mơ’no tiah dế nôkố la athế tối tơbleăng ăm rêm khu râ ‘nâi nhên, tơdrăng ‘na hnoăng pêi cheăng dêi mâu kơ koan, mâu khu pơkuâ cheăng, đông lêng; rup tơleăng tơdroăng kâ kơluâ châ hlo kơnôm ing tơdroăng séa mơnhên, riân ngăn [ă ai hên mâu tơdroăng xiâm ki ê dêi tơdroăng tơkêa bro ‘na Luât.

Nhat Lisa tơplôu [ă tơbleăng