Khu râ kăn pêi cheăng séa ngăn hên tơdroăng tơkêa bro a troăng kân Độc Lập ƀă kơpong ki achê mê môi tiah mâu ƀăng tơnêi mơdró, tơdroăng mơdró, ôm hyô; khu hngêi ăm tơmối koi pơtê, resort; kơpong pơlê kân tơkŭm kơpong ôm hyô ki krip. Klêi kơ’nâi séa ngăn ăm hlo, ki hên tơdroăng tơkêa bro trâm pá ‘na hlá mơ-éa rak tơnêi tơníu, pơkâ pêi, mơ’no liăn cheăng, pro tơdroăng mơjiâng pro chiâng hrá ton, châ tơƀrê xúa tơnêi tá hâi hên.

Kăn pơkuâ hnê ngăn cheăng Đảng kong pơlê tối rơdêi, tơdroăng ki hrá pêi pro dế tơdjâk troh tíu mơ’no liăn cheăng ƀă pơkâ tơtêk péa kơxô̆ dêi kong pơlê. Xua mê, mâu khu pơkuâ cheăng, kơvâ cheăng, kong pơlê kal thâ rah khu rêm tơdroăng tơkêa bro, mơnhên xiâm kố, pôu râng hnoăng cheăng vâ ai troăng pêi ki nhên, pêi ăm klêi hlối; tơdrêng amê pơkâ mâu khu mơ’no liăn cheăng tơkêa tơdroăng mơjiâng pro, tơkŭm kơxô̆ liăn, ví lôi tơnêi lôi chúa, mơ’nhê tê kơtê.