Tiô tối tơbleăng dêi Khu xiâm mơjiâng luât, tơdroăng ki pơhlêh luât cho vâ ‘mâi rơnêu troăng hơlâ dêi Luât hơnăm 2012, hlối pơhlêh nếo rơdêi cheăng hnê tối, hnê hriâm luât tiô troăng xúa kong ngê̆, pơhlêh kơxô̆ ƀă xúa mâu tơdroăng ki hnê tối tung um tơvi, rơ’jíu. Mâu tơdroăng pơkâ mơ’no tơkŭm pêi pro nhên hnoăng cheăng dêi kơ koan, khu tơrŭm, mâu ngế krê; pêi pro klêi troăng hơlâ pêi cheăng dêi Hô̆i đong tơrŭm cheăng a rêm râ; ‘mot tơ’nôm troăng hơlâ tŏng gum ăm khu ngế ki kal ƀă thăm mơnhông mâu kơxô̆ liăn cheăng.

Mơgêi rôh hôp, pôa Lê Tiến Châu, Phŏ Ngế pro xiâm hnê ngăn tơnêi têa tối nhên pơkâ thế pơhlêh nếo tŭm têk, sap ing mơjiâng troăng hơlâ tơkŭm pêi pro, ‘mâi mơnhông tơdroăng ki kal krá kâk, ôh tá hâk vâ. Hlối kal mơnhên tối ki tơƀrê dêi tơdroăng cheăng dêi khu pơkuâ hô̆i đong tơrŭm cheăng, rak tơniăn pơxúa, tro ƀă mơdêk hnoăng cheăng pôu râng dêi ngế ki ối a ko.