VOV4.Sêdang - Tung pơla lăm pôu ra tơnêi têa troh a kong têa Nhuk, pơlê kong xiâm Tokyo, pôa Trần Đại Quang, Kăn xiâm hnê ngăn tơnêi têa pin hiăng tơpui tơno [ă ôu kâ xua pôa Shinzo Abe, Ngế pro xiâm hnê ngăn kong têa Nhuk ki pơkuâ xiâm.

Péa pâ hiăng vâ môi tuăn thăm tơru\m rế hên tâ ‘na kring vế, gak ngăn, pơkâ mơ’no Rơkong tơpui tơkêa tơdjuôm tơru\m cheăng lêng pơla péa pâ tơnêi têa, thăm mơnhông tơru\m cheăng tung mâu kơvâ, môi tiah kring vế tơniăn troăng hyôh internet, mâu pháu hơnêa dêi lêng, ‘na khăm pơlât lêng, veăng pêi pro mâu tơdroăng kring vế hơniâp le\m Khu lâp kong têa, thăm mơnhông mơdêk tung rak vế, pêi pro tiô luât a têa kơx^ [ă mơhno tối, tơbleăng mơnhên ‘na ki rơkê ple\ng tung pơkâ troăng hơlâ, luât prôk lăm a têa kơx^.

Péa pâ xuân vâ môi tuăn thăm tơru\m krá khât tung kơvâ hnê hriâm, hnê mơjiâng mâu ngế ki rơkê tung pơkuâ cheăng, ‘na pêi chiâk pêi deăng, ‘na khăm pơlât, ‘na tơnêi tíu hyôh kong prâi, ‘na pêi cheăng, mơjiâng [ă mơnhông kơpho#, ‘mâi rơnêu túa chêh bro hlá mơ-éa, tơru\m cheăng pơla mâu kong pơlê, pơlê kong kân [ă hên mâu tơdroăng ki ê. Roh kố, péa pâ xuân hiăng tối pơtâng Rơkong tối tơbleăng tơchuôm pơla Việt Nam [ă Nhuk drêng roh lăm pôu râ tơnêi têa a kong têa Nhuk dêi Kăn xiâm hnê ngăn tơnêi têa Ko\ng hoa xah ho#i chuh ngiah Việt Nam.

Nhat Lisa tơplôu [ă tơbleăng