Pơla kố, hên mâu nôu pâ hiăng lăm tăng mâu tíu tơku\m xah hêi ăm vâi kuăn ‘ne\ng, vâi lăm ngăn hâi chôu chêh mâu môn mơhriâm. Nâ Trần Cẩm Nhung, ối a bêng Tân Hòa, pơlê kong kơdrâm Buôn Ma Thuột dế tăng ‘nâi ple\ng mâu tơdroăng ‘na lâm hriâm a rơnó pơtê mơhriâm ăm dêi kuăn a Hngêi mơhno túa le\m tro vâi o kong pơlê Dak Lak tối ăm ‘nâi;

‘’Hdrối nah 2 ngế kuăn a ối ku\n mê a ôh tá hâi tơmâng troh mâu lâm hnê mơhriâm a rơnó pơtê mơhriâm, ki kal á vâ vâ ăm dêi kuăn mơhriâm a mâu hâi dêi mâu hngêi trung ôh tá xo păn.

Môi tiah hiăng troh hơnăm dêi vâi o hiăng kân pơxiâm tăng ‘nâi, mê hâi kố troh a Hngêi mơhno túa le\m tro vâi hdrêng kong pơlê vâ ‘nâi hôm ai mâu lâm hriâm ‘na mâu tơdroăng vâ hlê ple\ng ăm vâi tung rơnó pơtê mơhriâm, mê á hlo nôkố ai hên tơdroăng po hnê xah hêi a rơnó pơtê mơhriâm  ki dế hbrâ ăm vâi pú. Rôh pơtê mơhriâm kố a kô ăm dêi kuăn veăng hriâm xah hêi’’.

Hên vâi o rah xo môn mơhriâm klê têa vâ pơtâp ăm ivá mo le\m

‘Na nâ Nguyễn Thị Nguyên Hoa, ôi a bêng Thắng Lợi, pơlê kong kơdrâm Buôn Ma Thuột ối rah chêh inâi hriâm klê têa ăm 2 ngế kuăn a long klê têa Cao Nguyên, troăng Đinh Tiên Hoàng, pơlê kong kơdrâm Buôn Ma Thuột, púi vâ klêi kơ’nâi môi hơnăm mơ-eăm mơhriâm vâ hlê ple\ng a hngêi trung mê rơnó pơtê mơhriâm kố kô ăm hriâm klê têa vâ mâu kuăn ‘ne\ng ‘nâi ple\ng tung tuăn ngôa, ăm ivá mo le\m.

‘’Kơ’nâi môi hơnăm hriâm tơbrêi tung tuăn ngôa [ă mâu kuăn ‘ne\ng [ă mâu nôu pâ, á lăm chêh inâi ăm dêi kuăn veăng hriâm lâm klê têa vâ ăm kuăn a chiâng klê têa, chiâng pêi pro tơdrêng mâu tơdroăng drêng trâm xía vâ vâ mơdât hlâ klâk têa, xua nôkố tơdroăng hlâ klâk têa dế hlo hên tung kong pơlê, xua mê, tơdroăng mơhriâm klê têa kố a tơmâng khât ‘’.

Môi lâm mơhriâm xuâng a hngêi mơhno túa le\m tro vâi ‘ne\ng kong pơlê Dak Lak

Vâ ai tro tiô púi vâ tung xah hêi, tơ’nôm hlê ple\ng ‘na túa rêh ối ăm mâu vâi o vâi muăn tung rơnó pơtê mơhriâm, pôa Y Khoa Kpă, kăn pơkuâ hngêi mơhno túa le\m tro vâi hdrêng kong pơlê Dak Lak ăm ‘nâi: Sap ing a poăng khế 5, tíu pêi cheăng hiăng tơku\m tăng liăn vâ mơdêk pro, ‘mâi rơnêu mâu tơmeăm khoăng, kế vâ hriâm tâp, veăng mơhriâm, thái cô ki hnê mâu kăn [o# hnê nâl Ăng-glê, kăn [o# hnê ăm ple\ng ‘na tơdroăng  tung rêh ối, thái cô hnê kơchuâ um, hnê chêh chư le\m, hnê pơtâp ivá,  peăng [a long bas-kêt,  peăng xâk í, voh, tơchok [ă hriâm hên tơdroăng ki ê vâ hbrâ ăm vâi o ki vâ xah hêi, mơhriâm:

‘’Pak^ng mâu tơdroăng hriâm vâ rơkê ‘na tơdroăng xah hêi ối ai tơdroăng hnê ‘na hriâm lêng, vâ hlo kong kế mê cho túa mơhriâm ki nếo. Môn hriâm ăm hlê ple\ng ai môn xup um vâ ai tiô tơdroăng púi vâ dêi nôu pâ  [ă vâi o kum ăm vâi o ai môi plông xah hêi le\m, ivá rơdêi, ai pơxúa’’.

Pak^ng mâu tơdroăng mơhriâm, xah hêi ăm vâi o a mâu Tíu xiâm dêi pơlê kong kơdrâm Buôn Ma Thuột, mê Khu hnê mơhno tơdroăng pro mơhriâm, xah hêi a rơnó pơtê mơhriâm dêi kong pơlê Dak Lak ối mơdêk mâu tơdroăng lăm troh a tơring, cheăm, malối djâ lăm troh a kơpong hngế hngo, kơpong ối kơtiê xahpá.

Ngoh Nguyễn Ngọc Hoàng, Kăn pho\ hnê ngăn Đoân kong pơlê Dak Lak ăm ‘nâi, tung rơnó pơtê mơhriâm kố khu pơkuâ ngăn Đoân droh rơtăm  kong pơlê hiăng mơjiâng mâu khu ki pleăng hnoăng tơná ‘na lăm troh a mâu thôn pơlê vâ tơru\m [ă mâu khu râ hnê mơhno tơku\m po hên tơdroăng xah hêi ăm vâi o môi tiah: po mâu lâm mơhriâm klê têa vâ hbrâ mơdât trâm xía vâ rong râ, tơku\m pro hơpăm xah hêi a rơnó pơtê mơhriâm ăm vâi o [ă hên ki ê.

Malối cho mơ-eăm pê klêi tơdroăng pơkâ a tơrêm to cheăm, bêng ai môi tíu xah hêi ăm vâi o xua khu pơkuâ ngăn Đoân droh rơtăm xo pêi hnoăng cheăng kố:

‘’Hơnăm 2018 kố Khu pơkuâ ngăn Đoân kong pơlê [ă Ho#i đông đo#i kong pơlê Dak Lak hiăng tơbleăng ‘na mâu tơdroăng mơjiâng pơkâ pêi pro tíu xah hêi ăm mâu vâi o a mâu cheăm kơpong hngế hngo ai tíu xah hêi ro ăm mâu vâi o. xua khu pơkuâ ngăn đoân xo pêi hnoăng cheăng [ă pơcháu ăm vâi o’’.

{ă tơdroăng tơmâng ngăn khât dêi mâu nôu pâ vâi o xuân hbrâ rơnó krâu khât dêi mâu khu râ pơkuâ ngăn Đoân droh rơtăm kong pơlê Dak Lak kô ai plông xah hêi ro châ pơxúa, vâ ivá rơdêi mo le\m kum ăm vâi  o châ mơhriâm tơ’nôm, châ pơtâp ivá, mơdêk túa rêh ối, ing mê vâ kơdroh ‘na trâm xía vâ rong râ [ă pôi tá pro xôi luât tung khu mâu vâi o, mâu ngế phô#m xông kân tung rơnó pơtê mơhriâm.

Hương Lý chêh

Gương tơplôu [ă tơbleăng