Ƀă vâ chê 40 tơdroăng pêi cheăng đi đo, tung 3 hâi kố, roh lăm pôu pêi cheăng dêi pôa Phạm Minh Chính, Ngế pro xiâm hnê ngăn tơnêi têa ƀă khu râ kăn teăng mâ râ kăn xiâm Việt Nam hiăng lôi ăm tơdroăng ƀă veăng kum kal khât tung tơdroăng châ tơƀrê tơdjuôm dêi Roh hôp tơno khu râ kăn xiâm BRICS po rơdâ. Ngế pro xiâm hnê ngăn tơnêi têa hiăng rơtế ƀă 35 ngế kăn pơkuâ ƀă kăn teăng mâ mâu kong têa ai mâu roh tơpui tơno trâu hơngế ƀă păng ‘nâng ‘na thăm mơdêk khu tiô hên troăng, mâu tơdroăng cheăng kâ, liăn ngân ƀă tuăn ngôa rơkê; ‘na kong prâi ƀă khăm pơlât lâp plâi tơnêi...

-Pôa Phạm Minh Chính, Ngế pro xiâm hnê ngăn tơnêi têa hiăng pêi pro vâ chê 40 tơdroăng pêi cheăng a Brazil

Mâu tơdroăng môi tuăn châ a Roh hôp kô mơdêk tơrŭm châ tơƀrê, kum tơleăng pơloăng mơnúa mơnhông krá tơniăn dêi mâu kong têa cheăng kâ nếo. Tung pơla a Brazil, pôa Phạm Minh Chính, Ngế pro xiâm hnê ngăn tơnêi têa hiăng ai mâu roh trâm mâ tơpui tơno, trâm mâ ƀă hên kăn xiâm, kăn xiâm ối a ko Chin phuh, kăn pơkuâ mâu kong têa xuân môi tiah khu tơrŭm cheăng, khu tê mơdró..., veăng kum mơdêk châ tơƀrê tơrŭm cheăng kâ, tê mơdró, djâ ăm pơxúa păng ‘nâng ăm kuăn pơlê ƀă khu tê mơdró.