
Tơdrong jang sơnăm ‘nâu đei tơlĕch hăm hơnăn: “Sơnăm mơlôh Việt Nam hưch hanh, sơđơ̆ng jơhngâm kiơ̆ Đảng”, tưk tơiung jơhngâm đon plang pơyơ̆r, đon jang tơnăp, gơ̆h hơgei đơ̆ng jơhnơr mơlôh; năm truh dôm khei ‘năr gĭt kăl nhen Tơbăt 80 sơnăm Kăch mang khei 8 păng Quốc khánh 2/9, 100 sơnăm Năr pơjing Khul Việt Nam Kăch mang druh dăm, năm truh Hop akŏm Đảng lơ̆m teh đak ‘măng mă XIV (jăl jang 2025 - 2030).

Truh akŏm păng iung pơma tơ̆ jơ pơm lêh, Kơdră Anih Trung ương Mặt trận tổ quốc Việt Nam Đỗ Văn Chiến pôk pơ ư jơhngâm đon jang tơnăp, gơ̆h hơgei đơ̆ng druh dăm lơ̆m teh đak păng athei rim anih jang hơnơ̆ng pơjing tơdrong ‘lơ̆ng vă khul druh dăm tưk tơiung hơnăp jang mư̆h jang atŏk tơiung mŭk drăm, tơpôl, tơplih hăm kơmăy sô̆, vei lăng cham char, pơjing tơring tơrang ‘nao păng vei lăng năng tông đe hơioh, mă loi ‘nŏh tơ̆ tơring hơtăih yăih, tơring sơlam, achon kông tơ̆ đak dơsĭ. Atŭm hăm ‘nŏh pơma hơdăh hơnăp jang gĭt kăl đơ̆ng Anih jang Đoàn vă tưk tơiung jơhngâm pran păng hơtŏk jơhngâm đon ‘mĕh plang pơyơ̆r đơ̆ng jơhnơr mơlôh lơ̆m chăl ‘nao.
Viết bình luận